महालक्ष्म्यष्टकस्त्रोत्रम्‌

  अथ महालक्ष्म्यष्टकस्त्रोत्रम्‌ :-

इन्द्र उवाच,
नमस्तेऽस्तु महामाये श्रीपीठे सुरपूजिते ।
शङ्खचक्रगदाहस्ते महालक्ष्मि नमोऽस्तुते ॥ १॥
Namasthesthu Mahamaye Sreepeethe Surapoojithe |
Sankha Chakra Gada Hasthe Maha Lakshmi Namosthuthe ||1||

नमस्ते गरुडारूढे कोलासुरभयङ्करि ।
सर्वपापहरे देवि महालक्ष्मि नमोऽस्तुते ॥ २॥
Namasthe Garudaroodhe Kolasura Bhayankari |
Sarva Papa Hare Devi Maha Lakshmi Namosthuthe ||2||

सर्वज्ञे सर्ववरदे सर्वदुष्टभयङ्करि ।
सर्वदुःखहरे देवि महालक्ष्मि नमोऽस्तुते ॥ ३॥
Sarvagne Sarva Varade Sarva Dushta Bhayankari |
Sarva Duhkha Hare Devi Maha Lakshmi Namosthute ||3||

सिद्धिबुद्धिप्रदे देवि भुक्तिमुक्तिप्रदायिनि ।
मन्त्रमूर्ते सदा देवि महालक्ष्मि नमोऽस्तुते ॥ ४॥
Siddhi Buddhi Pradhe Devi Bhukthi Mukthi Pradayini |
Manthra Moorthe Sada Devi Maha Lakshmi Namosthuthe ||4||

आद्यन्तरहिते देवि आद्यशक्तिमहेश्वरि ।
योगजे योगसम्भूते महालक्ष्मि नमोऽस्तुते ॥ ५॥
Adyantharahithe Devi Adi Sakthi Mahesvari |
Yogaje yoga Sambhoothe Maha Lakshmi Namosthuthe ||5||

स्थूलसूक्ष्ममहारौद्रे महाशक्तिमहोदरे ।
महापापहरे देवि महालक्ष्मि नमोऽस्तुते ॥ ६॥
Sthoola Sookshma Maharowdhre Mahasakthi Mahodhare |
Maha Pape Hare Devi Maha Lakshmi Namosthuthe ||6||

पद्मासनस्थिते देवि परब्रह्मस्वरूपिणि ।
परमेशि जगन्मातर्महालक्ष्मि नमोऽस्तुते ॥ ७॥
Padmaasana Sthithe Devi Para Bramha Swaroopini |
Paramesi Jaganmathar Maha Lakshmi Namosthuthe||7||

श्वेताम्बरधरे देवि नानालङ्कारभूषिते ।
जगत्स्थिते जगन्मातर्महालक्ष्मि नमोऽस्तुते ॥ ८॥
Svethambharadhare Devi Nanalankara Booshithe |
Jagat Stithe Jaganmathar Maha Lakshmi Namosthuthe ||8||

महालक्ष्म्यष्टकं स्तोत्रं यः पठेद्भक्तिमान्नरः ।
सर्वसिद्धिमवाप्नोति राज्यं प्राप्नोति सर्वदा || ९||
Maha lakmyashtakam stotram Ya padeth Bhakthiman nara |
Sarva sidhi mavapnothi Rajyam prapnothi sarvadha ||9||

एककाले पठेन्नित्यं महापापविनाशनम् ।
द्विकालं यः पठेन्नित्यं धनधान्यसमन्वितः ॥ १०॥
Yeka kale paden nithyam, maha papa vinasanam |
Dwi kale paden nithyam Dana dhanya samanvitha ||10||

त्रिकालं यः पठेन्नित्यं महाशत्रुविनाशनम् ।
महालक्ष्मिर्भवेन्नित्यं प्रसन्ना वरदा शुभा ॥ ११॥
Tri kalam paden nithyam Maha shathru vinasanam |
Maha Lakshmir Bhaven nithyam Prasanna, varada Shubha ||11||