शिव भजन - पशुपतीनाथ - हे भोलेनाथ शंकर

हे भोलेनाथ शंकर, दु:ख कष्ट सब हर ,हे भोलेनाथ शंकर
गलामा हार नागको नित्य पहिरीबक्सने
माथमा छ नाथको चन्द्रमा सुहाउने
भज्छु मुग्ध कण्ठले, नाम हे दिगंबर ।।

हे भोलेनाथ शंकर, दु:ख कष्ट सब हर ,हे भोलेनाथ शंकर 
एक ब्याध्र चर्मले ढाकी अर्ध अंगमा
समुद्रको तरंग झैं उफ्री घुम्ने विश्वमा
ज्ञान वैरग्यको रंग लिई निलाम्बर ।।

हे भोलेनाथ शंकर, दु:ख कष्ट सब हर ,हे भोलेनाथ शंकर
डमरू त्रिशुल हाथमा भुत गण, लिई साथमा
रमेर नाचीबक्सने विभुती घसी गाथमा
त्रिनेत्र धारी विश्वमा विना हजुर को छ र ।।

हे भोलेनाथ शंकर, दु:ख कष्ट सब हर ,हे भोलेनाथ शंकर
नाश गरी दक्ष र दुष्ट कामदेवको
रक्षा गर्ने भक्तको दाँया नै ठुलो नाथको
अती बयान के गरुँ सामर्थ्य मेरो के छ र ।।

हे भोलेनाथ शंकर, दु:ख कष्ट सब हर ,हे भोलेनाथ शंकर
विष,भांग,धतुरोको अमृतरस पान गरी
राखी बाम काखमा पार्वती संधै भरी
राज हुने शम्शानमा नाम धारी महेश्वर ।।

हे भोलेनाथ शंकर, दु:ख कष्ट सब हर ,हे भोलेनाथ शंकर
काम,क्रोध,लोभ,मोहको तलाउमा
पौडिरहेछु हे प्रभु डुब्न बाँकी बिचमा
अंगअंगको भयो चाल मेरो सुस्तरी
हे भोलेनाथ शंकर, दु:ख कष्ट सब हर ,हे भोलेनाथ शंकर ।।


(यो भजन पशुपतीनाथको साँझ आरतीमा पूर्व ढोका अगाडि गाइन्छ ।)

संकलक: आबिष्कार