गणेश भजन - पशुपती - शिव गौरीका प्यारा छोरा

शिव गौरीका प्यारा छोरा गणेश तिम्रो नाम
चतुर्बाहु नारायणको दर्शन गर्ने पाउँ

लामो सुँढ ठुलो भुँडी गणेश तिम्रो नाम
ॠद्धीसिद्धी साथमा लिई घुम्छौ शिव धाम

सिन्दूर दुबो लड्डु चडाई भक्तले गर्छन् ध्यान
बिघ्नबाधा हटाउने हो नि तिम्रो काम

गणेश तिम्रो पूजा गर्छौं रखी भक्ती हामी
शिव-गौरीका प्यारा छोरा मंगलका छौ खानी

डम्म परेको ठुलो भुँडी लामो सुँड छ तिम्रो
ठुलो कान छ बाहन मुसो रक्षा गर्छौ सबको

हामी रमाई जय जय गरी तिम्रो पूजा गर्छौं
सिन्दुर दुबो लड्डु चडाई तिम्रै पाउमा पर्छौं

लामो सुँड ठुलो भुँडी गणेश तिम्रो नाम
चतुर्बाहु नारायणको दर्शन गर्ने पाउँ

शिव गौरीका प्यारा छोरा गणेश तिम्रो नाम
चतुर्बाहु नारायणको दर्शन गर्ने पाउँ ।।

गुरु गणपती कि जय !!

(यो भजन हरेक बिहान पशुपतीनाथ मन्दिर पेरिसरमा गाइन्छ )

-आबिष्कार