कृष्ण भजन - पशुपतिनाथ - कृष्ण काले नक्कले

कृष्ण काले नक्कले नकल नपार
सोह्र सय गोपिनिको आँसु नझार ।।

व्रिन्दवन्को छेउछाउमा तुलसी रोपौंला
तुलसिको माला गाँसी प्रभुलाई चढाउँला ।।

नजाउ कृष्ण म्याथउरा उतै हराउला
व्रिन्दवनका गाई-बच्छा कस्ले चराउला ।।

चिठ्ठी आयो जानु पर्‍यो मामाको घरैमा
व्रिन्दवनको गाई-बच्छा तिम्रै भरमा ।।

कृष्ण काले नक्कले नकल नपार
सोह्र सय गोपिनिको आँसु नझार ।।

धैर्य गर गोपिनी , रुन्छ मेरो मन
मथुराको कारागारमा बाबा आमा छन ।।

व्रिन्दवनको पात पातमा आँसु झर्दछ
गोपिनिको मन्भित्र गाँठो पर्दछ ।।

कृष्ण काले नक्कले नकल नपार
सोह्र सय गोपिनिको आँसु नझार ।।

भन्नुहोस् मुरली मनोहर मुरारी को जय !!

(यो भजन पशुपतिनाथ मन्दिर पेरिसरमा बिहान गाइन्छ । ) 

संकलन - आबिष्कार