भजन - अब अर्पण गर्दछु जीवन यो

त्वमेव माता च पिता त्वमेव
त्वमेव बन्धु च सखा त्वमेव
त्वमेव बिद्या द्रबिणं त्वमेव 
त्वमेव सर्वम् मम देव देव ।।
हरी ॐ

अब अर्पण गर्दछु जीवन यो सब भार प्रभुको पाउमा
या जित रहोस् या हार रहोस् गरी निश्चय सुम्पे पाउमा ।

मेरो निश्चय यो छ अटल मनमा एकदिन प्रभुलाई म पाउँनेछु
परिवारहरुको आश नलीई यो प्रेम लगाउँछु पाउमा ।

यदी बस्नु परे बसौं जगमा प्रभुको गुण-किर्तन गाइ बसौं
गुण-दोष सबै मेरो अर्पण होस्, सब कर्म प्रभुको पाउमा ।

यदी जनम भए जे म बनौं तर तिम्रो चरणको प्रेमी बनौं
प्रभु-नाम कथा सुनी जीवन यो, हरी नाम कथा सुनी जीवन यो, अब अर्पण गर्दछु पाउमा ।

जबसम्म म बस्दछु विश्वमा, केही आश नलीइकन कर्म गरौं
श्री कृष्ण शरण भनी प्राण छुटोस, श्री राम शरण भनी प्राण छुटोस, श्री कृष्ण हजुरको पाउमा ।

तिमीमा र म मा अब भेद छ यो , म हुँ जिव तिमी परमेश्वर हौ
म छु भक्त तिमी भवमोचक छौ , भनी पर्दछु तिम्रो पाउमा ।

अब अर्पण गर्दछु जीवन यो सब भार प्रभुको पाउमा
या जित रहोस् य हार रहोस् गरी निश्चय सुम्पे पाउमा ।।

श्री राम जय राम जय सिताराम --4
श्री राम जय राम जय राधेशाम ।।

भन्नुहोस् सिताराम कि जय !!

(यो भजन हरेक सन्ध्या पशुपतिनाथ पेरिसरको बासुकीनाथ मन्दिर को आरती हुँदा गाइन्छ । )

संकलन - आबिष्कार